An o 26 fevruari akava berš, geli peske panda jekh legenda. Gelo peske o Jašar Destani.
Palo tikno nasvalipa ko 53 berša, mulo o Jašar Destani taro Skopje. O Jašar maškar o pendžarutne sine jekhutne e anavea sar – Jaško, maškar so thaj ko avera sine pendžardo sar akteri kote khelgja maestralno i rolja an o filmi taro 1998 berš taro Emir Kusturica, “Kali mačka – parni mačka”, khelibaja i rolja taro Grga Veliki, sar čhavo taro biznismeni Grga Pitić.
Ko jekh o Jašar Destani sine thaj pendžardo ki kheldi rolja an o filmi ” E Šutkakere šampionia” so si snimimo angleder 10 berša.
E Jašare sine le 4 čhave – murša thaj sine papo pobuteder unukonge.
