O roma si čhave e nauturakere thaj ka ačhon čhave e naturakere. Ola an i akaja lumia ale te lošaren e manušen thaj mukhne neka keren odova. O Roma na roden pli diz, pli them – vakerel o pendžardno giljavutno, romano aktivisti o Muharem Serbezovski giljavutno, kompozitori, harmutno, translatori thaj magistar, ko plo intervju bašo Telegraf, vakerel bašo sukcesia ko plo literaturno thaj translaciakoro opusi. O Muharem vakerela soske astargja pe te kerel translacia e devleskere lilenge – i Biblia thaj o Kurani an i romani čhib , ple dikhiba e Gadafijaja thaj i Indira Gandi.
O Muharem Serbezovski si biamo an o Skopje ko 1950 berš thaj dživdinel sine ki majbari romani mahala an i lumia Šuto Orizari ko 11 dženengiri familia. Giljavgja taro ple 14 berša sebepi egzistencia. Od tegani ikavgja 50 albumia thaj 400 gilja. Gelo an i sasti lumia.
– Sar Rom keren 12 čhibja lafi kola si odola čhibja thaj sar sikljiljan olen?
Jekh Rom na valjani te puče le sar siklilo o čhibja. Sa o Roma si poliglotia. Ola kana bijangjoven džanen duj čhibja. Te sian sine biamo an i Makedonia džanea Romane thaj makedonsko čhib. te sian biamo an i Srbia džanea srpsko thaj romani. Kana tikno romano čhavo khelel tikne francisko čhavea ov sikljol francuski. I čhib pašljola amenge thaj džanaja te komunicirina. Kobor čhibja keraja lafi si arthinale tari situacia. Me vakerav sine kaj džanava 8 čhibja, numa akana vakerav deka džanava 12 čhibja.
Ekstra srpski, ekstra crnogorski kestra hrvatski, bosanski . E romen isi len talenti thaj odova kerena le. Me trujal i romani thaj makedonsko čhib džanav thaj srspki, hrvatski, bosanski, crnogorski, albansko, germansko tursko, francusko italijansko španski.
– Jekhutne tumen aani romani čhib kergjen o Kurani thaj i Biblia. So sine o motivi?
O motivi si o Roma. O Roma džanen peske taro o gadže. “Gadže” si sa okola so nane Roma. Ola vakerena sar thaj so valjani e Romenge Numa na khuven olenge andre ko ilo numa olen interesirinel salde i egzotika. Nikana o Roma na pučlje pe sar si olenge. Drabaribaja e lila tari Perl Bak kote hramosaren avere dživdipaske . Tegani pelo mange ki godi kana šaj Amerikancia hramosaren bašo Kinezia, soske me ma te hramosarav me manušenge.
Pučljumj man soske ma te ovav pendžardo prekal akava aktivitetia. Translaciaja e Purane thaj Neve Zaveteske o Roma ka oven prioriteti anglal aver nacie soske ka oven romane aktia.
I standardizacia e srpsko čhibjake ali kana taro latinski i Biblia kergja pe an i slovensko čhib. Kan aka kerel pe standardizacia e romane čhibjake bit polokhe akala devleskere lila ka oven kerde translacia ki romani čhib.
– Kergjen translacia maškar so thaj o romani taro Tolstoj ” Maripa thaj tromalipa” thaj o Markez “Šel berša korkorutnipa” Soske akala lila?
Me buteder lila so drabargjum džanlipaja o mentaliteti e Romengoro prependžarav thaj astarav man an i buti. Odoleske kergjum translacia e ” Maripa thaj tromalipa” thaj o Markez “Šel berša korkorutnipa”. Isi teza kaj salde o Roma džanen te dživdinen pherde ilea . O Roma vakeran pherdo puti dživdinen an i filozofia e dživdipaske.
– Šaj li te vakeren savi si odoja filozofia ?
Sa o nacie maren pe bašo tromalipa m,a o Roma isi la but. O tromalipa but importantno e naciake. E Romendar te leljan o tromalipa sar te le olendar o dživdipa.
– Si li čače kote isi anegdota kaj ko jekh biav an i Barselona neko angja tegani e pendžarutne fudablere tari Barselona o Samuel Eto kote sako drom kana giljave sine i gilji ” Za venčanim stolom, sada sediš eto” vakergjen kaj oj si gili gilavdi oleske thaj ov uštel sine sako drom te kerel živeli tuja?
Čače si. Dđanen tumen so si an i srbsko čhib “eto” numa ov šunel sine odova sar leskoro anav .
– Vakeren panda nesavi anegdota an i Tumari kariera thaj dživdipa.
O Toma Zdravković thaj me giljava sine 8 berša barabutne thaj legargjum le jekh drom ko jekh fudbalsko meči. Chidingjam savato rakajte a ov sine mato thaj vakergja te legarav le ki romani mahala ki Šutka. O Romano fudbalsko klubi ” Napredok” tegani sine ko regionalno liga thaj amen gelem te dikha odova meči. Kana o Roma dikhle e Toma thaj mande ko stadioni ko than kote aven sine po 500 džene odova meči ale te dikhen 20.000. Tegani odma angje ozvučejnje te šaj me thaj o Toma te giljava anglal o meči. Numa o Toma rodingja tari celo uprava te den ostavka te mukhen o funkcie, thaj amen duj džene te ova prezidentia an o klubi. Ola odma odova kergje thaj amen ulem prezidentia an o klubi. thaj amen od tegani počmingjam te giljava bi lovengoro a taro love so laja sine ko konceria kina sine fudbalsko oprema, dresia e fudbalerenge.
