Feta Zekiri taro Veles na kerel lafi pe jeriencar, soske ko akala šudre jevendaskere divesa hardžingja but elektrika, soske oleskiri šov dženengiri familia takajren pe sine ki grealka. Ole nane le love sar te dživdinel, a akana oleskere da jeria našti te pukjinen pole režisko borčia.
O Feta dživdinela ko kher kote so si oleskere jeria, numa isi le aver udar khujbaske ki oleskiri soba so isi la 10 metria kvadratno, kote si oleskiri romni thaj štar tikne čhave. Ov vakerel sar alo pe familiaja tari Austria kote sine sar azilanti an o Veles phare dživdinela socialno arakaj taro 3.200 denaria.
Sa dži kote sine an i Austria ov nasvalilo thaj kerdo sine leske operacia an i kardiologia. Pali sukcesiali operacia i familia sine akstradirimi napalal an i Makedonia. O Feta vakerel kaj e Avstrijconge manglja te vakerel lenge kaj si katastrofalno ekonomsko situacia an i makedonia, kaj ov thaj oleskiri familia dživdinel an i bari mizeria , numa premal i austrisko policia “an i Makedonia isi lačho dživdipa thaj buti”
O feta thaj oleskiri romni an i Austria resel sine sar socialno po 350 eura a bašo o štar čhave lela sine po 250 eura ko čhavo. Ola kana irangje pe an i Makedonia ko Centari bašo socialno apliciringje baši lovengiri arka šov drom numa dengje le salde jekh drom thaj odova 700 denaria!
Premal i familia Zekiri angleder desave kurke nesavi organizacia del sine humanitarno paketia an i romani mahala ko Veles, numa ola na lele asavke paketia soske na sine an i lista e Centareske bašo socialno.
O Feta vakerel kaj an o agorutnme alusariba plo hango dengja e aktuelno dizjakere šerutneske ko Veles taro VMRO DPMNE soske odoja mahala kaj so dživdienl ov sare plo hango dengje oleske.
Ov vakerela kaj anglal o alusariba o političaria aven sine ki olengiri mahala thaj dena sine lafia kaj ka čhiven olen ki buti numa akana na pakjala ko olengere lafia soske but hovavena thaj nane te ikljol ni ov ni oleskiri familia ko alusariba.
Oleskere čhave na džana an i škola soske i škola olenge dur thaj isi but phiribaske, nane len love hajbaske, šeenge, lilenge.. Oleskiri romni vakerel kaj o čhave našti te džan ki škola soske nane len love.
Izvor: CIVIL – http://civil.org.mk/s-kin-kad-schto-natnko/?lang=mk
youtube: https://www.youtube.com/watch?v=W4nwTm7RxZw
