O tamikeripa e neve phravde bazenteske nanjaripaske an i komuna Šuto Orizari si šatrto taro efta proektia so havljargja o prezidenti taro VMRO DPMNE Nikola Gruevski.
-O phravdo nanjaripaskoro bazenti an i komuna Šuto Orizari ka kerel pe ki phuv taro 4076 m2. I Agencia bašo terne thaj sporti so legarel o proekti , kergja idejno faisali so ka kerel pe akti bašo proektiriba.
O idejno faisali ikerel tamikeripa duj bazentia , baro bazenti thaj tikno bazenti thaj jekh aver bazenti bašo dajanipa thaj relaksacia, notiringja o Gruevski.
O baro bazenti si ki pravoagolno forma dimenzie 50 ko 20 metria trampime horipaja taro minimum 2 metria dži maksimum 4,5 metria so si bašo terening thaj mečia nanjaripaske thaj vaterpolo. O tikno bazenti ka ovel dimenziencar 25 ko 10 metria horipaja taro 1 dži ko 1,4 metria thaj ka ovel e majternenge thaj okola so na džanen te nanjoven.
O kompleksi ka ovel le thaj: Garderoba, sanitarno objekti, thaj bašo manuša so kurtalinena thaj medicinsko arka, administrativno tehničko ofisi mašinkso kotor thaj magacini.
E objekte ka ovel le terasa, sorarno panelia, phravdo than thaj urbano oprema, pašljojbaske, čadoria khameske , platforma ki forma sar tribina so si bešipaske thaj relaksacia ugostitelsko kotor-restoranti.
-O proekti si 45 milionia denaria. Kana ka agorkjerel i sasti procedura ka kerel pe proekti , alusar taro ko ka tamikerel le thaj nadzorno ofisi thaj kana ka resel o sertifikati udžarel pe o starti e tamikeripaske te ovel oktomvri 2016 berš. I idea akale objekteske ali taro dizutne e komunake Šuto Orizari so korkoro rodingje , amen keregjem idea, analiza thaj faisalkergjem te ikljova akale ideaja anglal o dizutne an i komuna Šuto Orizari.
