An o mediumia na sine but notirimi i vakerin taro premieri e Srbiakoro o Vučić kote dengja la ko vakti e dikhibaske e gemaniakere kancelarkaja Merkel, sebepi o baro numero agjaar vakerde “hovavne azilantia” so an i Germania avena tari Srbia : ” Ka ana amen panda jekh kanoni an i Srbia kote ka kera arka e Srbiake thaj e Germaniake, a odola so rodena azili, a na resen azili kote ka sikavel pe kaj si hovavne azilantia , thaj ka našti te len socialno tari Srbia kana ka iranen pe akate an i Srbia.
Pakjaja kaj dramatično ka kera te tiknjol o numero taro okola so rodena azilia so aven an i Germania taro Paščimalo Balkani.
Trujal so o srpsko premierui nane zapendžardo e našajdipaja asavke kanoneske bašo hovavne azilantia thaj len pe niamia e dizutnenge tari Srbia thaj odova si pharo presedani, ko phagiba thaj diskriminacia odoja kategoria dizutne.
Kana resle o kritike taro Amnesti Internejšnal , o premieri gelo majodorig lafencar : o azilantia si hovavne soske na mangen te keren buti an i Germania numa mangen salde te len love taro germaniakoro legaripa so dela e manušenge so rodena azili saste vakti sa dži kote džala i procedura tari aplikacia thaj andi decizia iranipaske an i Srbia, thaj odova da si ko dumo taro germaniakere dizutne. I vakerin taro ministeri Vulin so konektirinel pe e premierea si soske i diskriminacia si kana nane te diskriminirinel pe okola so roden azili thaj odova nane moldipa komentareske.
Pobut an o linko : http://pescanik.net/lazni-azilanti-i-lazni-drzavnici/
