O Dancia phagena tajniria, o Japoncia asana, o Brasilcia uravena parno, o Špancia hana drakha, a o Srblie hana balano mas . sa akava salde ko anav tari baht ko nevo berš.
O adetia si sakote diferentno , numa an i sasti planeta o manuša pakjana kote desave “adetia” anena baht ko berš so avela.
O Germancia pakjana kote keriba bari galama palden e bilačhe benge thaj odoleske ki neveberšeskiri rakj ohiren pe droma thaj khuvena an o davulia thaj aver instrumentia.
An i Danska o sasto berš arakhen o tanjiria te šaj ko 31 te phagen len anglal o udar ko ple khera thaj ko khera pire pašenge. Odolea o amalipe si majzoralo em odoleske phagena pe pobuter tanjiria.
O Brazilcuia ki neveberšeskiri rakj uraven pe ko parno – soske odova anela baht thaj tromalipa. O erzia an i Japonia khuvena 108 droma te palden ko jekh odokhar numero manušikano bilačhipa. Palo odova valjani savore te asan te šaj palden e benge.
An i Špania adeti si ki jekvaš i rakj te han saste 12 zrnia drakha sar sakone masekoske ko avutno berš baši te ovel olen baht.
Baro mangipa udžarel okolen so bašo nevo berš ka čuminen pe telal i imela, pakjana an i Amerika.
Aso jekh pakjiv so si hulavdi an i sasti lumia ki neveberšeskiri rakj neko legarel lole jali galbeno sostenja – o lole bašo mangipa, o galbeno bašo love.
Ko Balkani o adetia si sar sa konektirime hajbaja. Pakjala pe kote an o nevo berš trubul te ovel pherdo o frižideri , te ovel love ko sako novčaniko ko kher te šaj ovel love thaj te ovel pherdo lovencar sako berš.
Te pukjinen pe sa o smetke anglal o nevo berš ma te khuvel pe ko nevo berš borčea.
Te halja pe balikano ka ovel progreso ko berš so avela si pakjajbe ko Srblie thaj an i Makedonia.
