Nekobor šel manuša dživdinen an o karanluko, bizo fundavutne šartia dživdipaskje an i niško mahala Crvena Zvezda. Akaja situacia si an o kontinuiteto saste 5 masekoa, thaj o problemo e strujaja sa akale dizutnenge si beršencar napalal. Taro EPS vakerena okola so si čhinavde tari elektrika si len baro barčo taro upreder 300 mile eura.
Holame so si buteder masekoa bizi elektrika , takjariba, tato pani, TV, interent thaj aver fundavno elemento dživdipaske kote manuš dživdinel an o 21 veko, o manuša tari akaja mahala džanen lačheste kaj si len borči , numa ola nane jekhutne došale akale situaciake em akava baro borči, thaj i hardžimi elektrika ka ovel sine majhari te kana ka regulirinel pe i situacia e električno aparatea so gejnel i elektrika te ovel sakone khere individualno.
Aso o lafikeriba taro Mirsad Tair o problemi e elektrikaja si problemo taro majbuter aspektoa. Fundavno si so uisi salde nekobor elektrikakere kontrolno aparatia so anen elektrika saste mahalake thaj lokheste avel pe ki loli zona tari hardžimi elektrika. Dujto buti si but phareste si te pukjinel pe i elektrika tari hardžimi barabutni savore.
