I pendžarutni Baba Vangja so angleder vakergja kaj ka ovel o Brexit thaj formiriba Islamsko them , maškar aver isi la prognoza bašo 2019 berš, vakeren olakere simpatizeria thaj komentatoria olakere anglovakteskere prognoze.
O Balkansko Nostradamus sar so anavkerena e Baba Vangja isi la majodorig but manuša so pakjana an i olate sa so prognoziringja iklilo.
Kana kerel pe lafi bašo nevo 2019 berš oj prognozirinela kaj an i Europa ka ovel baro ekonomsko kolapsi , a šerutni informacia si kaj ka ovel mangin te kerel pe atentato upral rusko presidento Vladimir Putin. Oj pakajala kaj aso o ritziko upral e rusiakoro presidento ka avel baš taro oleskoro sekjuriti, numa nadžanel pe dali o Putin ka ovel mudardo jali ka ačhol dživdo.
Aso i prognoza tari Baba Vangja bašo 2019 berš i Asia ka ovel astardi taro baro cunami, sar okova ko 2004 berš , a i Rusia ka ovel khuvdi taro baro meteori. Oj pakjala kote o amerikansko presidento Donald Tramp ka nasvaljovel taro misteriosno nasvalipa sebepi so ka našavel o šuniba thaj ka ovel nasvalo an i godi.
Pendžardo si kaj i Baba Vangja dži akana sine sukcesialo prognoziriba nekobor bukja, sar egzamplo invazia taro islameskere ekstremistia an i Europa an o 2016 berš, konflikto so oj progoziringja starti taro arapsko revolucia an o 2010 berš . Ko jekh prognoziringja kaj o Valdimir Putin ka ovel šerutno an i Rusia thaj an i lumia.
„Savore ka peren , sar o mrazo so bilala, salde jekh ka ovel naastardo- baripe e Vladimireske, baripa e Rusiake” vakergja i Baba Vangja an o 1979 berš ko vakti kana sine la dikhiba e literatea o Vladimir Sidorov.
Aso o ekspertia, 68% taro olakere prognoze sine pherde, thaj pohari 85% kobor so notirinena olekare simpatizeria.
