Sebepi o leiba i Romania sar avutno presidento an i EU sine organizirime mitingo taro lideroa thaj reprezentoa taro romane internacionalno organizacie. Ola ko vakti taro piro mitingo diskutirinena vash o strategie so trubul te lel i EU ko vakti kana olaja ka legarel i Romania so ka startujnel taro Januari 2019 berš.
Ko akava mitingo ko jekh than lena thaj o IRU legarde taro o presidento o Zoran Dimov thaj membro an o IRU presidiumi o Anatolij Butakov tari Moskva.
Ola an o akava mitingo barabutne aver relevantno romane membroncar ka konkretizirinen piro aspekto vash o prioritetia solea trubul e Romane naciake thaj sar konkluzia ka ikaven an o dikhiba e Romansko membroncar so taro 1 Januari ka len o mandato šov masekoa sar Presidentoa an i EU.
Akava mitingo si but importantno te džanel i EU thaj i Romania so si o prioritetia thaj importantno punktoa an i realizacia thaj implementacia e akciono planonge ko sa o fkatia so ka ovenm kotor tari egenda vash o aktiviteto an i EU.
Akava ko jekh si thaj importantno momenti te sikavel pe kaj o IRU si faktor an i kreacia e avutne planonge an o strategie e Romenge so ka legaren i EU an o periodo so avela.
