An o pervazia taro aktivitetoa an o agorutno kerdo mitingo taro EVZ Bordo taro Doveritelia an o Berlin so ikergja pe taro 12 dži ko 14 Decembro ko vakti e mitingoske than lelja thaj o IRU Presidento o Zoran Dimov.
Ko vakti e mitingoske thaj aver aktivitetoa so si lende taro EVZ bašo barabutno aktiviteto kergja pe phanlo lafi maškar o IRU thaj o membroa taro Sinti -Allianz, Oskar Vajs thaj Central Council of German Sinti and Roma o Džonatan Mak vash majodirigutni kolaboracia thaj akcepcia barabutne interesoa an i realizacia e avutne planonge thaj aktivitetoa taro EVZ Fondacia.
Sa o trin riga sine bahtale kote si len jekhutni strategia thaj intereso an i akcepcia e Romenge thaj Sinti an i Europa thaj buvleste.
Kerel pe lafi bizi diferenca kote an o vakti kana ka oven mitingoa si li dopherde jali šerutne ko Bordo taro EVZ an o anav sa e trin rigenge te akceptirinen o interesoa taro Roma thaj Sinti.
Ola majbuter ikergje pe an i tema ko si o šerutne prioritetoa thaj forme taro lobi olengere rigatar, barabutno akcepcia , kreacia thaj implementacia taro sa eventualno avutne proektoa sar extra grupacia.
Trubul te notirinel pe kote o aver duj reprezentoa taro akala duj organizacie o Oskar Vajs thaj Džonatan Mak sine lačheste informirime vash o IRU aktivitetoa prekal o IRU presidento Zoran Dimov thaj ande si decizia kote salde prekal barabutne aktivitetoa šaj majbut te akceptirinen e Romane jekhinake thaj o Sintia.
