Aso o rodaripa tari konusltansko kompania “Merser” an i konkurencia taro 231 lumiakere dizja , i metropola tari Austria i Viena thaj akava berš enjato drom ko niče si havljardo sar majšukar diz an i lumia kana kerel pe lafi e kvaliteteske taro o dživdipa. I resarin e dizjake si te ikerel akaja pozicia thaj ko avutnipa.
Akala dive i Viena si sar paramis. thaj akava si o periodo kote sa akala atrubutia si sikavde sar refleksia.
Baro numero turistia istemalkeren e dizjakoro buseskoro transporto so si but eftino. Kurkeskoro tiketo so si notirime sa o forme dizjakoro transporto si paše 17 eura. Numa akana šaj dikhel pe kaj si napakjajbaske so i moldi taro buseskoro transporto an i diz jekhe diveseske si salde jekh euro! Odova si odoleske soske beršeskoro tiketo ko dizjakoro buseskoro transporto an i Viena si 365 eura.
Nesavo drom o dizutne taro ande decizie nane čale. Sar egzamplo ko akti e parkoske Baher, o dizutne sine zorale kontra ko tamikeriba dizjakere garaže sebepi so trubul sine te čhinen pe baro numero kašta. Sine kerdo baro protesto so rezultiringja ande deciziaja ma te keren pe odola garaže.
