Ko notacia o beršipa taro meriba e thagarutnake e romane giljake Esma Redžepova- Teodosievska anglal nesavo vakti prekal mediumia thaj FB sikaven pe sine fotografie taro limor e Esmakoro so si but pomukhlo thaj navisitkerdo.
Akate startujngje o komentaria taro sa o riga ko si došalo akale situaciake.
Anglal desavo dive an o mediumia iklilo o deputato Amdi Bajram thaj vakergja kaj ov si
Avdive iklile fotosia an o FB kote dikhel pe kaj startujngja thaj kergja pe hari o limor e Esmakoro.
Avere rigatar telal o sikavde fotografie startujngje thaj komentaria tari paše familia e Redžepovi kote vakerena: ” O Amdia nakhlja but eftino, na vredinel sine odokhar te buninel pe e limoreske. Trubul sine te mukhel e unukonge sar so ola mangen sine te keren le but majbaro em majlačho, numa na sine lenge mukhlo te keren ola”
