Jekvaš plata pherea o frižideri. Agjaar ko tikne linie si e masekoskiri matematika okoleske so trubul ko jekh kher ko prosečno manuš akate an i Makedonia.
Prosek plata akate si paše 400 eura, a oj na resela te nakhavel pe sasto mas, kana kera lafi proseko 4 dženengere familiake . Kobor si o harči saste masekoske phareste si te iskalkulirinel pe.
Aso i kalkulacia prosek harči jekhe 4 dženegere familijake an o masek oktomvri sine 520 eura. Olendar 220 eura džana ko hajbe jali 170 eura bašo režisko harči an o kher. Jali prosek plata 400 eura šaj salde te učhare akala duj elementia. Avereske na ačhola.
” I diferenca maškar o barvale thaj o čorole si but bari, odoleske o terne našen avrial.
Akate kera lafi baši prosek plata. A kaj si okola minimalno plataja so si an i them majbut.
