O artisto tari Rijeka Tajči Čekada pire proektosa ” Sa o Roma e dizjake Rijeka” kerdi si videoinstalacia an i Galeria Kortil, lelja than an o proekto o Dizutne pire dizjake legardo sar refleksia tari migracia, politikano identiteto thaj sasoitno -ekonomikano integracia.
I storia si migracia e Hrvatenge so si beršencar šerutni tema an o manuša thaj odoleske kerel pe diskusia maškar o političaria, analitičaria, , Khangiri, mediumia, manuša pe droma – O problemo si baro thaj faisali nane. Odova so an i sasti naracia džala telal o tepiko so odothe na migririnen salde o majbaro kotor dizutne; thaj džan baši egzistencia thaj majšukar tajsa em o potikne minjoritetia targetea o Roma.
Ola na džan odoleske so nane len buti jali pošukar plata numa ola džana em soske o aver dikhen len sar naprioritetno. Thaj i Rijeka , diz so sine bahtali sar multikulti imidžea.
Kaj olengiri boja mujeske thaj nacionalno preperutnipa si jekh taro faktoria so džana peske sikavel o fascinanto proekti e artistotske tari Rieka Tajči Čekada telal o anav ” Sa e Roma e dizjake Rijeka” kerdi aso o proekto ” Te dikha e minjoriteten O minjoriteti so našavgjola thaj sikavela pe” an i organizacia e dizutnekiri pire dizjake.
Odova si video instalacia ćhivdi an i Galeria Kortil so sikavel storia taro pandž Romnja tari Rijeka thaj phravde vakerena piro sakodivesa , našajdipa bukjake thaj soske tari pri bijandi diz džana ko desave germansko kvartia.
