I Nikol Barr taro Exsek, Bari Britania si la salde 13 berša thaj si taro Roma Travelsia. I tikni romani čhaj pire jeriencar thaj olengiri kamp araba sar generacie majpalal taro olakere papoa taro pire materne berpa dromarensine taro than an o than thaj odoleske but phareste džala sine an i škola.
Paše sare eliminiringje la sa dži ko jekh dive.
Sa odova ulo an i jekh britansko škola kana i čhaj so džal sine an i odoja škola so sine la normalno sukceso thaj dikhel pe sine kaj na sikavel baro interes olakere trujalipaske. Numa olakere profesoria dikhle kaj olate si la desavo talenti . Palo insistirba olakere dajake kaj oj si javerčhane, vakergje lake te kerel testiriba an i Mensa thaj odothe dikhle kaj olakoro IQ si
162, odolea so akava IQ si majabro numa so isi e Ajnštajn thaj e Sefan Houking.
Prosek jekeh persona o IQ si 100 a sako numero upreder IQ 140 si sar genialnost.
O naučnikia notirinena kaj i Nikol si an i grupa taro salde 1% manuša an i planeta Olakoro koeficiento intelegenciake si 162 so si bašo duj majbaro taro Ajnštajn
– Olakiri intelegencia taro sako drom sine dikhli. Oj ko ple duj berša kerel sine matematičko lokhe problemia. O pobare kerel sine len ko deš berša. Olakoro intereso si akana drabaribaja o lil taro Koukins “Tikni historia e vakteske” Sikljol matematika mangel te ovel akteri , kana si la vreme siklol i kinesko čhib” vakerel olakiri daj.
Oj pobuter na dromarel e kamp prikolkaja. oj dživdinela ko Eksesk pe dijaja so ko maškar vakti hulavgja pe taro o dat tari Nikol.
Olakoro dat o James si le 36 berš thaj kerel buti sar zanatlia, so dživdinel panda an i kamp prikolka. Ov vakerel kaj oleskiri čhaj si barvalipa e romane naciake.
Savore si bahtale e Nikol. Sar te kamen te vakeren: ” Ake amen da šaj te ova”
O manuša vakeren bilačhe bukja e Romenge thaj anen decizia aso sar te dikhen i korica e lileskiri.Mi daj vakerela mange sine kaj amen da siem manuša so keraja lačhe bukja, vakerela i Nikol
I čhaj kote so ni jekh na pakjala sine olate akana isi la akharin taro universiteto ko Oxford te džal an i vizita. Oj vakerela kaj kamel te studirinel medicina.
