An o periodo taro 1914 dži ko 1918 berš o Roma hulaven sine jekh a jekh jazia sar sa o aver nacie. Ola an i bibaht taro Jekhto lumiakoro mariba sine astarde an i sasti mobilizacia , meren sine an o sa o frontora, sine ratvarde thaj astarde.
Sine thaj dezerteria tari rig e askereskiri thaj tari rig e uče oficirenge. Pire sikave herojstvoske sine lenge dende bare oredoa.
Trubul te akcentirinel pe kaj o Roma da ničale džana sine sar askeria ko sa o rodia askereske, thaj baro numero olendar sine zorea mobilizirime, kote majbaro numero olendar sine mudarde.
Jekh taro forme kote o Roma so olende lena sine len zoresa te mobolizirinen olen , thaj forma sine kote kana desave barvale manuše mangen sine te mobilizirinen le ov ka arakhel sine nesave čorole Rome so dela le sine love te džal an o askerluko ko oleskoro than.
Akaja sine buvleste kerdi praktika ko odova vakti kote majbaro numero taro thema keren sine asavki praktika ko vakti e Jekhto lumiakoro maripa.
