Sebepi akana sig lendi akcia taro lokalno legaripa peraviba khera romengere an i romani Šeker mahala an o Plovdiva . Nekobor nalegalno khera an i “Šeker mahala” an o Plovdiv sine akharde majbaro numero taro policiakere asistentia sebepi o tenzie maškar o Roma an i mahala.
“O nalegalno khera an i akaja romani mahala si paše 29 khera. Ola si kerde an i lokacia ko nekanutno kanala so sine učhardo angleder 10 berša. Ko olengere thana kergje akala khera. Askana trubul rekonstrukcia te šaj o pani nakhel taro o kanali thaj amen lelem akcia te eliminirina akala khera , vakergja e dizjakoro šerutno akale lokaciake.
Sebepi akava lendo akti taro lokalno legaripa majbaro kotor taro o Roma sikaven piro revolto thaj anglal o mediumia vakergje: ” Dži kote o lokalno legaripa na arkahel adekvatno alternativa kote šaj te dža , amen ka ikljova anglal o Parlamento te protestirina an o šatoria thaj ka thara gume”, vakergja jekh taro Roma so protestirinena sine.
