I srpsko folk giljavutni Zorica Marković thaj olakiri amalin taro srpsko realty šou “Zadruga 2” Jelena Golubović nakhavgje sa o granice!.
Ola ko pire maškarkontaktia buteder droma nane len kontrola , ama akava drom nakhavgje sa o limitia. Ki piri komunikacia ola diskriminirinen sine e manušen prekal nacionalno funda, a majbut e Romen trujal so ni jekh taro Roma na kergja bilačhipe lake.
Trujal so ki pli sasti kariera giljavel ko romane bijava thaj odole Romenndar profitirinela , oj na kergja ni zpori te garavel pire rastistikane emocie.
Oj ki diskusia e Jelena Golubović sikavibaja emocia taro gadiba thaj natolerancia ko vakti taro o šou notiringja kaj ” gejnel sine e Romen -Cigani so bešen olaja ko jekh astali” thaj ali dži ki konstatacia kote an o akava šou “isi baro numero Roma – Cigani”
Olengiri komunikacia ko momenti čhinavgja la o Adam Djogani so khuvgja ki soba em rodingja lendar cigara. Oj tegani “dikhlja le bare gadibaja taro šero dži ko pre”
Akava akti si saste sikaviba dujmujalipa tari rig e folk giljavutnake Zorica Marković so beršencar napalal barvalili taro romane bijava kote majbut akharena la.
Akava olakoro gesti ka avel agor olakere tezgenge ko romane bijava? Trubul.
