Ko havljardo konkurso so si notirime akala divesa o JSP rodel te aplicirinen 100 persone , thaj te phergje o šartia bukjake, ka oven bukjarne angažirime savakteske sar majterne šoferia ko dizjakoro buseskoro trafiko.
Akava si soske taro akava JP ko mart akava berš iklile tari buti thaj šovardeš olendar sar šoferia gele te keren buti ki Malta.
Taro kandidatia e šoferenge rodel pe te džanen i makedonsko čhib , te oven medicinski saste ma te oven krisime, te ovel olen “D” kategoria šofereske thaj bizi diferencia si len bukjarno džanlipa jali na.
– Aso beršeskoro plano ie instituciake bašo 2018 berš planirinel pe ki buti te khuven: 67 Makedoncia, 21 Albancoa, 2 Turklie, 7 Roma, 1 Vlaho thaj 2 avera.
O alusariba e kandidatonge ka agorkerel ko roko taro 45 divesa , dži kote aplicirinen pobuter taro 200 kandidatia jekeh bukjarne thaneske i alusar ka ovel ko roko taro 60 divesa.
Taro 201 dži ko 500 kandidatia dži ko 90 divesa, a upreder 500 kandidatia 120 dive sar ka nakhel o periodo taro konkuriribe, tergjol ko hramosardo konkursi.
