Paše 1/3 taro romane čhave an i Bugaria džana an i škola so o sa čhave taro akava minjoriteto – konsekvenca tari marginalizirime thaj izolirime .
Egzamplo si jekh fundavno škola an i Sofia.
I avrutni fasada e školake trubul te makhel pe neve farbaja, na soske si purani i fasada numa ko duvaria isi grafitia sar so si nacistikani svastika, nacionalno mesažoa thaj grafitia.
Odova keren o terne taro odova pašipa so na sikljon ki akaja škola. Ki akaja škola 98% sikljona Roma.
Ko starti taro 2000 berš sine akceptirime nevo kanoni kote so mukhena e jerienge korkoro te alusaren škola kote ka džal olengoro čhavo.
I škola sine atraktivno e romane familienge taro pašipa, numa sebepi odova o javer familie taro odova trujalipa bićčhaven sine pe čhaven ko aver centralno škole.
Vaktea akaja škola uli salde Romani. Akava nane jekhutno egzamplo an i Bugaria.
Aso i Agencia an i EU e fundavno niamia, o propvernto e Romane čhavenge so džana ko romane škole an i Bugaria , ko agorutne pandž berša rupingja taro 16% ko 29%.
Odova si majučo nivelo ko engja utar purabale thema so si akceptirime an i akaja studia.
