Efta familie ačhile pe droma kana o bageria tari komuna Gazi Baba počmingje te peraven montažno objekto an o studenstko kher Stiv Naumov . Akana bebencar thaj tikne čhavencar ačhile bizo učharin ipral o šere pe droma.
O dizutne rodena suporto thaj reakcia an o nahumano akti taro institucie. Ola notirinena kaj ko akala objektia si nekobor berša soske nane kote aver te džan. Kotor olendar sine lenge dendi opcia te džan an o Čičino Selo numa savore na akceptiringje soske nane than savorenge. O objekto preravel sine pe telal intervencia tari i policia.
O inspektoria reagiringje thaj na mukhle e tv ekipente registririnen o than kote dživdinen akala familie.
Tari komuna Gazi Baba dengje tikni informacia kaj keren buti an o proekti so si an i programa e komunake , numa akale familienge sar so vakerena nane ola džovaplime. taro ministeriumi bašo sociala informirinena kote barabutnee Centroa socialno bukjenge tari diz Skopje keren aktiviteto so te keren akale familiencar.
Duj taro akala efta familie verbalno vakergje kaj kamen te oven an o Čičino Selo, numa sa dži akava momento nane len panda dendo formalno lil rodaripa akale akciake. O aver 5 familie rodela pe majšukar opcia sar ola ka oven akomodime” tergjol an i hramosardi informacia taro ministeriumo .
Link: https://www.youtube.com/watch?v=Dm_s1ia-OCI
