Sebepi o tamikeriba drumo so nakhel trujal o Beograd, ka trubul te dislocirinen pe o manuša tari nalegalno mahala an o Resnikm a odoleske sa o Roma si an i bari galja.
Pobuter taro 300 Roma tari mahala Vijadukt an o Resnik akate si upreder jekh devenia. I mehanizacia si akate paše trujal i mahala so ka keren o drom aso o Koridori 10 , numa ni jekh na vakerel e Romenge kote ola ka džan kana ka peraven sa o khera tari akaja mahala.
Aso o Roma akate isi 300 persone so nanipaja kote te džan panda ko 2008 berš avile akate em kergje peske komplekso kote so ka dživdinen ko thana taro purane objektia so sine odothe em dživdinena sine.
Numa akana kana avel o momenti te kerel pe akava alternativno drumo trujal o Beograd, olen trubul te dislocirinen.
Ni jekh taro investitoria thaj o kompanie em taro institucie e themake em e komunake na vakerela so ka ovel majodorig akale Romencar.
Taro akala kompanie akharen e Romen te dikhen pe thaj te keren diskusia numa ni jekh na vakerela dali ka den len khera sar alternativa.
Ola notirinena kaj trubul i them te džanel kote an i akaja mahala isi but phure thaj nasvale manuša em but čhave , thaj te kerel pe desavo plano te iranel pe i sama an o faisali akale problemeske.
