An o 28 juli – savato an o sportikano centro “Borik” an o Prnjavor ikerel pe tradicionalno akava drom 9-to manifestacia Festivalo nacionalno minjoritetonge “Tikni Europa” koteorganizatori si i komuna Prnjavor thaj o NGO taro nacionalno minjoritetia an i akaja komuna.
I porgama startujnela e Defile taro sa okola so lena than thaj chiden taro Lipar Parko sa dži ko Ploštadi e dizjake anavkerdo sar Lipar e mule srpsko soldatenge.
An i manifestacia ko sportikano centro “Borik” ka ovel prezentacia taro buteder minjoritetengere folklorno grupe thaj prekal gilja thaj kheliba ka sikaven piro džanlipa.
Sar specialno misafiri akava berš an i manifestacia si folklorno grupa tari diz Lvov, Ukraina.
Aso o informacie an i teritoria e komunake Prnjavor dživdinena 1.452 preperutne taro nacionalno minjoritetoa.
Ko jekh sar sako berš, agjaar thaj akava da berš piro than an i manifestacia ka len buteder romane asociacie tari akaja komuna thaj ka ovel olen šajdipa te prezentirinen piri kultura, tradicia , adetia, historia thaj o pirane romane zanatia.
