O avgo tarro jekh drom biande 5 bebia an i Čehia akala divesa phergje 5 berša.
Ola ko masek juni 2013 berš an i praga bijangja olen i tegani 23 beršengiri Romani džuvli Aleksandar Kinjova. Ko odova vakti oj reslja baro numero bahtarina , numa resle thaj pherdo anonimno rasistikane mesažia thaj notacie salde soske si Roma.
Ko odova junsko dive sine biame 4 murša thaj 1 čhaj . I them akale aktonge dela jekhdromeskere 8.800 eura thaj majbut taro 2.000 sar ekstra čhavenge love a i komuna Milovice dengja len majbaro socialno apartmano thaj angja decizia ko avgo trin berša te pukinel olenge thaj jekh bebisterka.
Numa ko jekh an o odova periodo o lošalo momenti ruminen sine nesave rasisitikane manuša so na aslde mujal i familia bičjaven sine risiko mesažia thaj mujal sa okola aver so dengje suporto akale romane familiake . Ola notirinen sine sebepi so dengje suporto akale romenge sar dukjania nikana nane te džan te kinen olendar artikloa.
” Čače keren mange sine bibaht ko odova periodi odola daravutne mesažoa. Ki mi daj resla thaj jekh liloro kote oj palo odova sasto vakti rovela sine ” vakerel i Aleksandra Kinjova.
Oj bijangja anglal vakti ko 31 kurko taro khamnipa. O anava e akana 5 beršengere čhave si : Teresa, Aleks, Daniel, Mihael thaj Martin.
Link: https://www.kurir.rs/planeta/829671/prvim-ceskim-petorkama-stizu-uvrede-sto-su-romi
