Grupa Balkancia vazdingje an o pire e Berlincon kana thargje jag thaj kergje skara ko jekh parko an o berlino thaj pekena sine bakhre. Odoleske odoja grupa ka pukjinel globa 5.000 eura.
Numa nane salde o problemo o peke 12 bakhre so peken pe sine an o germansko parko, soske e germaniakoro kanoni mukhel pekiba skara thaj bakhro . Ko nilaeskoro periodo mukhen pe pekiba dži ko 22 o časo.
Numa so sine feleri?
Ola na peken sine e bakhren ko notirime thana skarake, numa an i čar. I skara trubul te ovel majdur majhrai 2 metria taro paše kašt. I globa akale narespektiriba o kanoni si taro 50 dži ko 500 eura.
Ko iraniba skara ko thana so nane notirime isi akto thaj globa taro 35 dži ko 300 eura.
Te čhivgja pe i skara ki čar direktno sar anglohavljaribaskiri globa 35 eura, a te thargja pe i čar taro 50 dži ko 100 eura.
Тe na khedingja pe io gunoj so kergjen le a te astargja tumen o kontroloro i globa si 500 erua.
