Dži akana o politikano meči baši sako vota pobuter devalvirinel sine e romane nacia so sebepi geografsko thaj politikani kerdi skica taro alusaribaskere jekhina na sine len jekh a jekh fer šajdipa kvantitativno jekhipa e votenge taro romano elektorati thaj odoleske o kandidatia tari Romani jekhin sako drom aven sine tari dujto alusaribaskiri jekhin (Šuto Orizari thaj Kumanovo).
Jekh teritorialno jekhin bizo alusaribaskoro limiti ka šaj kerel majdemokratsko ambienti thaj phravdo alusaribaskoro mečo so ka del majbaro kvaliteto thaj kvantiteto.
Asavke modalitetoa o Roma tari sasti them ka anen decizia so kasikaven len an o nacionalno nivelo. Udžarel pe o politikane partie te konektirinen pe ao političaria so aven tari dujto alusaribaskiri jekhin.
Numa i havljarin kaj ka anel pe alusaribaskoro limiti ka ovel palem zijani taro majtikne partie tegani ka našaven i sasti implementacia e jekh aklusaribaskiri jekhin , soske ka oven athinale te keren koalicia majbare partiencar . Agjaar majlačheste te ačhol o purano modelo a na o jekh alusaribaskiri jekhin alisaribaskere limitea.
Jekh alusaribaskiri jekhin bizo alusaribaskoro limiti si faisali so del jekh a jekh šanse e tikne partienge te praticipirinen an o alusariba ko Parlamento an i Republika Makedonia.
