O numero e romane čhavengoro so džana an i škola si relativno tikno. Migracia, prandina, thaj nasikaviba interes baši edukacia ko jeria , si kotor taro faktoria soske akala čhave si avri tari edukaciakiri rota . Aso o ekspertia so pendžaren akaja problematika an o Šuto Orizari vakeren kaj o škole si len informacie kote paše 500 čhave na džana an i škola.
O involvirime so si kotor e proekteske ” Inkluzia prekal mobilizacia” vakeren kaj prekal rodaripa thaj debate e preperutnencar tari romani jekhin keren zori te haven soske o jeria na hramosaren pire čhaven an o škole.
O jeria so sine pučle tari škola “Brakja Ramiz thaj Hamid” vakerena kaj o čhave trubul te džan ani škola.
Trujal i dajakiri čhib sar predmeti o čhave Roma o časia taro aver predmetia šunen len an i makedonikani čhib. O na but lačho pendžariba i makedonikaničhib si dopherdo faktori so o Romane čhave si dur taro o škole.
