An i akana sig kerdi panel diskusia ikerdi an o MKC kote diskusia kergje persone so pendžaren akaja problematika, aso olende e edukaciakoro profilo trubul majpaše te kerel konekcia e siklencar (majbut e čhavencar tari fundavutni škola so nadžanen laćhe i makedonikani čhib), a ko jekh o škole trubul te den opcia te sikljovel pe thaj piri dajakiri čhib – romani čhib.
O diskutantia ko jekh notiringje kote o deficit taro kadari tari romani populacia seriozno kerela ko kvaliteti e edukaciake an i komuna Šuto orizari . tr4ujal o dži akanutne aktivitetia i komuna trubul te lel dopherde aktivitetia , sar so si tamikeriba sportsko hale, doaktiviteti edukacia e edukaciakere materialeske – lila te šaj o profesoria oven panda majprofesionalno majbari kooperacia e školencar thaj NGO, thaj leiba than ko diferentno europakere programe (sar so si Erasmus plus) thaj aver aktivitetia.
An o odova konteksti iklile pobuter propozalia so ka vazden o kvaliteto an i edukacia an on Š.Orizari.
;aškar odola propozalia si kontinuiteto an o lačhariba edukaciakere parametria. te ovel majbari praktika e edukaciakere ekipake vash interaktivno metode thaj akcepcia an i buti asavke kategoria čhavenge (marginalizirime, socialno teleperavde thaj aver problematike).
Te konektirinen pe šajdipa aso naničali edukacia an o pervazia e školake thaj profesionalno praktika.
Implementacia e predcmeteske “Romasni čhib thaj kultura” sar ničalo predmet an o škole ki fundavutni edukacia. Em te ovel opcia te sikljovel pe thaj an i maškarutni edukacia sar dajakiri čhib. Te bajrol o numero edukaciakere profesie bukjarne Roma an o fundavutne thaj maškarutni edukacia thaj but aver propozalia.
