Slovakiakoro žurnalisto taro TVnoviny.sk havljargja kaj duj čhave si hospitalizirime an o Poprad , Slovakia kana sine ratvarde taro pištoli o persi vikendi. . I policia vakerel kote napendžarde phajrargje taro gasno pištoli ko drom an i mahala Matejovac an o Poprad.
Vakeren kaj o manuša so phajrargje sebepi so o čhave khelen sine thaj keren sine bari vika.
O odktorija kergje operacia upral jekh 13 beršengoro čhavo kote ikavgje o kurđumi tari phor, thaj operisiringje jekhe 9 beršengere čhija.
I paše familia e čhaveskiri e TV staisoneske Markiza an i jekh reportaža javljardi an i internet rig taro TVnoviny.sk, kaj o čhavo sine an o šok so nekobor divesa na kerel sine lafi. E čhija da sine la psihološko trauma em dukha an o vast.
“Ola giljaven sine thaj odoleske phajrarfje ko čhave” vakerel o dat e čhaveskoro an i odoja reportaža . Aso i slovakiakiri televizia o jeria e čhavenge šubikeren jekhe lokalno biznismene sar šajdutni persona kaj kergja akava akti.
I persona so si notirime na dengja nisavo komentari an o akava tv artiklo.
Akcentirime si kaj o pištoli isi le validno sertifikati.
Aso o portparoli tari policia an o Prešov o Daniel Čobanić vakeren kaj targetirime bašo ratvariba nane ni jekh persona.
O ekspertia akale aktenge so si an i reportaža akcentirinel kaj akava akti upral o čhave si kriseskoro akti thaj o došakerdo valjani te pašljol lungo vakti an o phanlipe. Savore notirinen kaj akava si baro kriseskoro akti te phajrarrel pe pištolea upral o čhave.
