O Josef Serinek (1900-1974, kote desavo drom si hramosardo sar Serynek), čehiakoro Rom kote sar kodno anav si Černý (“Kalo”), sine soldato an o Jekhto Lumiakoro mariba , phanlo an okonc logoro an o Lety ko vakti pendžardo konc logoro taro II lumiakoro mariba . Palo agor e dujto lumiakoro mariba dengje anav jekhe lokaleske sar “U černého partyzána” – Ko kalo partizani an i čehiakiri diz Svitavi.
An o 3 avgusto 1942 berš o Josef thajh oleskiri romni em 5 čhave sine phanle thaj deportirime ko čehiakoro protektorato an o Pisek ko logoro Lety . I romni thaj sa o 5 lhave an o agor mule ko Lety jali ko Aušvic – Birkenau.
O Josef našlja taro konc logori Lety barabutne pire phralea o Karel an o 15 septemvri 1942 berš, kana resto oleskiri familia sine muli jali legardi an o Birkenau. Ov na mangel sine te marel pe em te mudarel soske sine panda telal o tarume taro Jekhto lumiakoro mariba.
Ov mangel sine te iranel piri holi odoleske ov thaj oleskoro phral resle dži ki nesavi šastra em gele. An o anglonilaj ko 1943 berš oleskoro phral o Karel ko jekh mariba merela kote marel pe sine mujal i žandarmerija suportea taro nacistia so kergje racia ko veša an o Bohemiansko regiono kana roden sine partizania.
O Kosef našlja an o Vrhovina kote kergja kontakto javer partizanencar tari brigada RZ thaj počmingja te implementirinel i partizansko strategia. Palo odova reslja psevdonimo anavea Čapaev , numa ov sine buteder pendđardo telel o anav “Kalo”, aso oleskiri morthik.
Link: http://www.romea.cz/en/news/czech/romani-heroes-the-black-partisan-josef-serinek
