Bari jag an i Romani mahala an o Leskovac “Saat mahala” bahtake bizo viktimia, numa baro materialno ziani

An i bari jag so sine angleder desave divesa thabilo o kher e majčorole romnjake thaj udovica an i odoja mahala i Bajramša Asanović.

O požarnikaria avile ko momenti kana akhargje olen thaj čhinavgje oleskiri eskalacia.

„I bari jag taro jekh drom iklili m numa bahtake o čhave sine avrial thaj khelena sine , a me sium sine ki miri komšika. kana vakergje mange kaj thabljola miro kher” asvencar vakergja i bibahtali romni.

I Bajramša si udovica isi la ofto čhave thaj duj unukia. Olakoro kher saste so thabili sine kerdi angleder nesave berša kana o Roma tari akaja mahala kana organiziringje humanitarno koncerti.

Faktori baši bari jag panda si napenđardo, numa notirinel pe kote sar faktori šaj te ovel defekti an i električno instalacia.

Link: http://romaworld.rs/pozar-u-leskovackom-naselju-sat-mahala-na-srecu-bez-zrtava-ali-materijalna-steta-velika/

Youtube: https://www.youtube.com/watch?v=P0tnnea_2sM