O jeria – roditelia so saste si irame ple bukjake vaktea sa pohari sama iranena pe čhavenge. Sa o jeria – roditelia prioriteti si ka šaj li te kinen sa pe čhavenge. Bizo dikhiba taro materialno statusi e jeriengoro-roditelengoro ola si hazri te keren sa olengere čhave te oven bahtale.
Te šaj pheren sa olengere mangina taro čhave buteder jeria-roditelia keren sa te ovel len majbuter love. Numa bibahtake sa o kerde ankete thaj rodaripa sikavena kaj o love thaj i edukacia e čhavenge na džana paralelno šukare. E rodaripaja alo pe dži ko šokantno rezultatia: O daja sebepi i kariera zamukhen pe čhaven pobut taro dada!
O dži akanutne studie sikavena kja o jeria -roditelia so isi len pohari barvalipa taro pari so nane len čhave , trujal so baš o čhave si okova so si majbari baht e jerienge-roditelenge.
O barvale jeria -roditelia našaven tari percepcia ple resarina, kana mangen majbut love, te šaj olengoro čhavo ovel panda majbahtalo.
Odoleske i buti trubul te ikerel pe so majdur tari familia , soske i buti te angja pe khere da but realno si kaj i buti nan te del te šaj dikhel pe fudbali e čhavencar, te džal pe ko parko , naracia paramisenge anglal sojba jali desavi khelin so mangena o čhave majbut.
O vakti so keren buti, mukhen len ko ofiso, a o vakti e čhavencar de le salde olenge e čhavenge!
