An o socialno netvorko prekal o net portalo Mukachevo.net sikavde si daravutne fragmentia kote ukrainsko nacionalistia keren atako upral improvizirimo romano kampo ko pašipa taro Kiev.
An o video dikhelape sar an o than anavkerdo Nangi plain o nacionalistia uravde an o kalo fantomencar ko šero thaj čhurika, sastrna thaj spreia keren atako an o gav e Romenge thaj tikne čhavenge.
O Roma si buteder droma targeto akale atakonge taro akala grupe. Ola dži akana buteder droma akala akti notiringje dži ki policia.
Aso o informacie akala nacionalistia angleder duj kurkesa kergje atako an i jekh romani mahala – kampo an o than Lisica thaj thargje nekobor improvizirime khera akale Romenge .
Ola odova keren soske mangen te palden akale Romen taro odola thana. Sa akala incidentia vazdingje bari diskusia prekal o socialno netvorko.
Link: https://www.facebook.com/Mukachevo.net/videos/1666642550039686/
