O Roma avgo drom ale an i kinakiri phuv paše 200 berša angleder nego ki Europa. Odova ulo ko periodo tari dinastia Juan (1271-1368), kana resle ko nord paščimalo kotor tari Kina an i Šanksi thaj Gansu provincia, akcentirinela o Kai Hongšeng, profesori pali historia taro Univerziteto Sun Jat-Sen an i provincia Guangdong an i Utarali Kina.
Ko odova vakti o Roma an i kinseko čhib sine anavkerde sar Luoli. O Kai vakerela kote o anav avela tari Persia, kote o Roma ale ko V veko. Ov lel egzamplo taro liloro taro Jang Zijiu, histričaro taro Nankai univerziteti so mulo ko 2002 berš ko 87 berša phuripa. O Jang sine eksperto pali historia an i Juan dinastia thaj Hui.
Ko plo butikeribaskoro elaborato anavkerdo sar ” O Roma an i Kina Juan Luri Hiuhiu” editorimo an o 1991 berš , o Jang hramosargja: – Akava nomadsko entiteto , anavkerdo sar Louli an i kinesko čhib so si paše sar anav Luri, resle tari Nord Kina taro provincie Šnaksi thaj Gansu ko 13 veko, angleder te resen an i Europa paše ko XV-to veko kote avdive si pendžarde sar Roma.
Numa o kinesko anav Luoli jali Luri an o Persisko si diferentno taro okova sar so si Džipsi an i anglikani thaj Bohemians an i franciakiri čhib .
O anglikano Džipsi thaj Bohemiam, si bilačhi forma soske o anav reflektirinela konotacia taro olengoro nomadsko forma dživdipa” hramosarela o Jang an o akava dokumento.
Link: http://www.china.org.cn/english/China/143738.htm
