Erati an i Kinoteka Makedonia mukhlja pe i zavesa akaleberšeskere Internacionalno filmeskoro festivali “Somnakaeskiri Romta 2018 ” . Palo 16.to drom beršencar napala organizatori si i SP BTR Produkcia.
Angleder o ceremonialno phanlipa sine havljardeo majsukcesiale dokumentarno filmia akale beršeske. Šerutni Grand Prix reslja o filmi “Hulavdo baripa” (Shared Pride) an i režia taro Bob Entrop tari Holandia.
An o aver kategorie o plakete resle akala filmia: Majšukar režia – “Roma an o phiriba” – Roms en errance) – Autori bernard Klajndinst, R.Francia.
Majšukare scenario „Odova sine interesno dživdipa„ (Das war das lustige Leben) autori – Harko Wubs – SR Germania.
Majšukar fotografia – „Sir thaj bostani„(Garlic and watermelons)-Producento-Kamerun Hakei& Loren Finei, R.Grcia / USA, a majšukar muzika -„Barikada„ (Ograda) – autori Zoran Milernković RTV Zaječar, Srbia.
Phursako legardo vash romani platforma si i video kampanja – O terne an o mariba mujal o kinobikiniba e manušencar – Dizjakiri asociacia “Ternipa” – Pirot, Srbia, Radmila Nešić.
An i kategoria jekhminutno video kerdo taro sikle čhave tari FŠ Vasil Glavinov – Skopje thaj sar jekhto than si “Virtuelno thaj realno amala” – Amet Miza – 5/2 – FŠ Vasil Glavinov, dujto than ” So si papo thaj baba?” – Nafie Mamuti – 5/3 – FŠ Vasil Glavinov, a o trinto than bašo o jekh minutno video ” Bizo terori an o škole” Bajram Aguši – 4/1 – FŠ Vasil Glavinov.
Angleder o havljariba o phursakoa sine revialno sikavdo o majnevo dokumentarno filmi taro SP BTR Produkcia ” Lokalno Heroia – Lumiakere Talentiia” Akava da berš sar berša napalal e “Somanakeskiri Rota” vinansisko sine suportimi taro Filmsko fondi e Makedoniake.
