O Petar Filipov barilo an i romani mahala an o Vidin, Bugaria. Avdive ov dživdinela an i Germania, thaj e Petar si le piro TV show an o Kasel.
“O Petar si but intelegentno thaj bahtalo manuš. Ov si putarde mujal i lumia” – vakerel o Frank Vajerjohzer, kolega so keren buti an o TV studio an o Kasel.
Taro fevruari akava berš o 48 beršengoro Petar Filipov thaj oleskoro tikno timi – Rusin Cvetanov, Petar Stefanov thaj o Emil Filipov si len piro autorsko programi an o lokalno mediumia so del pe jekh drom an o čhon. Sare ola si Roma.
Biame thaj barilo an i romani mahala an o Vidin. An o TV kanali “Offener Kanal Kassel”, e emisiaja so dingja la anav sar “Incomer stories – Made in Germany”, ola sikavena storie e Bugarenge so dživdinen an i Germania. “I idea akale emisiake si te del pe suporto te čhinaven pe o stereotipia mujal o Bugaria an i Germania deibaja lačhe egzamplia. Ko jekh si i resarin akaja emisia educirinela e romane populacia. Odova si vađ sa o Bugaria so si avri olatar a isi kotor thaj tari romani jekhin, soske o bugarsko Roma so si avri tari Bugaria ola deklaririnen pe sar Bugaria” vakerel o Petar.
Ov tari Bugaria iklilo angleder 8 berša . majanglal jekh periodi sine an o London, Britania, palo odova gelo an i Finska. Taro 2015 berš si an i Germania. ” I situacia an i Bugaria uli but bibahtali taro 2007 berš. Po desavo drom pučava man sine sar o manuša dživdinena” vakerel o Petar, so beršencar sine le piro privat biznisi an o Vidin.
“Majanglasl mire jeria sine len šnajdersko dukjana – siva sine postelnine thaj rukavice. Palo odova sine amen furna mareske. An o periodo 1998 – 2008 berš kerav sine buti e mediuemncar” vakerel o 48 beršengoro Petar. ” An o jekh momenti o bukja ule but phareste. Trujal so sine man privat biznis našti sine te kerav egzistencia. Angjum decizia te džav mange tari Bugaria palo majperspektivno dživdipa”
Link: http://www.dw.com/bg
You tube: https://www.youtube.com/watch?v=MKgZ0FT6Nb8
