I purani Khorani hamama an i Niško Kale si than kote o organizatoria taro Neshwil keren sar Jazz Muzei so planirinel pe te ovel phravdo oficialno an o 30 April kana ka startujnel Internacionalno Jazz Festivali – Neshwil
.
Lp Muzei ka ovel jekh soba so ka ovel lipardi e legendarno pendžarde muzičarese Šaban Bajramović . O organizatoria vakerena dži kote na mukhel e vakteskoro roko te kerel pe realizacia odoleske, sar agorutno roko bašo funkcioniriba e muzejeske ka ovel 30 juni akava berš.
I soba lipardi e Šaban bajramovičeske ka ovel em replike taro oleskoro monumento – spomeniko, so si an o kej an o Niš thaj Jukebox kote ka oven sa oleskere gilja.
O muszeo ka šaj palo odova te aven savore zainteresirime baši vizita. Ko akaleberšeskoro festivali ka pharvel o rege bendi „Inner circle„ so keren 50 berš jubilei sar bend.
Ko jekh odothe ka bašaven thaj o pendžarutno jazz bubnjari Omar Hakim thaj o kvinteto taro bubnjaria Laleta ko čekat e Lazar Tošić so ko jekh ka ovel leske dendo thaj phursako bašo sadživdipaskoro aktiviteto.
