Jerkh sekirimo dizutno taro Prilep bičhavgja apeli dži ki them thaj o dizutne taro Prilep te čhinaven te keren pisluko i “Čarši džamia” . Bibahtake akaja džamia avdive si sar jekh ruševinathaj disave dizutne thaj i them mukhen odoja lokacia tari džamia te ovel sar toaleti.
I Čarši džamia paše 17 berša si ruševina. Akava monumento e kulturake taro XV veko sine thardo an o 2001 berš ko periodi taro konflikto an i Makedonia.
Odova sine sar reakcia taro dizutne taro Prilep kana o UČK ko pašipe taro Tetovo mudargje 10 preperutne taro makedoniakoro askeri sa dizutne taro Prilep.
Avdive da trujal o dendo lafi tari them panda nane nevikerdi i džamia.
I islamsko religisko jekhin kerel zori te lel kontrakto tari them thaj i komuna te šaj rekonstruirinel pe i Čarši džamia , numa ačhilo sa salde ko dendo lafi.
Ko Prilep isi 8% muslimania . Baši rekonstrukcia e džamiake so trubul te ovel telal i opservacia taro Nacionalno centro baši kozervacia trubul 240.000 eura.
I momentalno situacia akale džamiake si čače la sa e dizutnenge an i R.Makedonia.
I džamia si kerdi an o 1475 berš. Oj sine majpurani džamia an i Europa , kerdi an o stili duj balkonia an o minari.
