E publikakiri reakcia an i rakj ko štartodi ko 1 Mart an i Kinoteka e Makedoniako an o Skopje pali i premiera e dokumentarno filmeske “Lokalno Heroia – Lumiakere Talentia” sine jekhutne – rakja taro emocie, mazunipa. vazdiba romaneb baripaske , a ko jekh than asajbe em baht.
O komentaria sine jekhutne – dokumento so reslja piro targeti, jekh aver roš an i romani jekhin.
Ko vakti tari proekcia e dokumentarcoske kote ki publika kergja te ovel asva taro mazunipa, numa thaj pherdo ilo , so apaluzencar thaj ovacie nekobor droma ko vakti tari i rpoekcia e filmeske.
Ki odoja forma i publika ilustriringja piro hošiba akale filmeske.
Ko starti e filmeske anglal i proekcia tari premiera i publika jekheminuteskere traibaja dengja respekto mujal i Esma Redžepova Teodosievska thaj Faik Abdi so ko jekh sine ola da pire tikne rolencar an oakava filmi.
O bahtarina tari i publika sine bičhavde e autoreske akale filmeske Zoran Dimov thaj aso o aver protagonisita sar kotor taro o filmi.
Liparibaske o filmi si realizirime an i produkcia SP BTR, koprodukcia Studio 7, režija taro Ajdin islami a finansisko suportime taro Filmsko Fondi an i makedonia.
Sar so notiringja o korkoro autori Zoran Dimov pali akaja premiera oLokalno heroia chidena ko drumo te len than an o internacionalno festivalia thaj resiba pherdo phursakoa thaj diplome.
Link: https://www.youtube.com/watch?v=qwJYLUxmh1M
