Avel sa majpaše o dive tari premiera e Dokumentarno filmeske tari SP BTR an i koprodukcia Studio 7 thaj finansisko suportoa taro Filmsko Fondi an i Makedonia – “Lokalno Heroia – Lumiakere talentia”
O premiera si notirime bašo 01 Mart an i Kinoteka e Makedoniake taro 19 o časo sar si majpaše agjaar bajrol o interes maškar o manuša thaj mediumia . odoleske kotor tari ekipa lena than an o diferentno emisie an o nacionalno mediumia an i Makedonia.
Ko jekh akcentirinel pe taro o organizatoria kote akale premierajke isi rodaripa baši invitacia taro nekobor internacionalno medumsko thaj produkcisko ofisia sar so si TV ekipe taro Kosovo, Srbia, Romania, Bugaria so kamen te aven an i premiera e dokumentarcoske.
O filmi korkoro peske si interesnio soske an o leste khelen sar so si Bajram Severdžan – Dr Koljo, Vaska Jankovska, esma Redžepova -Teodosievska, Muharem serbezovski, Rahim Burhan, Faik Abdi thaj Zoran Dimov, thaj aver manuša sar so si Emir Kusturica, Goran bregović Stole Popov, Dančo Čevreski thaj avera.
