Nazif Mujić šerutno akteri an o filmi “Epizoda an o dživdipa e manušenge so khedena purano sastrn” kote odole roljake an o filmeskoro festivali an o Berlino ko 2013 berš reslja o phursako ” Rupuni Ričin”, mulo persi kurko an o than Svatovac trujal o Lukavac – BiH kote dživdinela sine an i romani mahala.
Aso o informacie sebepi pharo ekonomsko situacia an i familia, kerdi si akcia te kheden pe love te šaj te parunel pe sar so trubul.
“Epizoda an o dživdipa e manušenge so khedena purano sastrn” si jekh čačutni storia thaj drama so sine an i familia Mujić kana oleskiri romani sine la komplikacie ko vaktikana sine dovogende soske na sine la sastipaskoro siguriteto.
O filmi percepririnena i phari situacia e Romenge an i BiH, so sine segregirime thaj socialno nastabilno. I tikni filmsko kariera taro Mujić em o baripa so angja leske i rolja hari lačhargja oleskoro dživdipa.
Palo Berlinare ov khuvgja an i buti an i Komunalno Higiena an i Tuzla, a palo odova e familiajaj gelo an i Germania sar azilanto.
O azili sine leske irame thaj deportirime palal an i BiH , a o Nazif palo odova bikingja i statuetka sor reslja la sar phursako te šaj ovel le love hajbaske
