E Kanonea baši amnesti8a 670 persone ka oven mukhle taro phanlipa, dži kote 3097 avera phanle olengoro phanlipa ka ovel tiknjardo bašo 30%.
An o majbaro phanlipa ani Makedonia Idrizovo taro barabutne 1754 phanle, E kanoneske tari amnestia ka oven lošale 1438 persone kotar 621 si Makedoncia, 569 Albancia, 26 Srblie thaj 257 Roma.
O fundavno kriso Skopje 1 vakergja kaj dži avdisutno dive resle paše 120 aplikacie an i konekcia akale kanonea amnestiake so si kompletirime thaj dende ko Krisoskere konsilia.
Olas ko jekh notirinena kote odolaKonsiloa si len roko taro 5 divesa te anen decizia thaj kana ka anen pe o Dekretia ka oven dende ko odolainstitucie thaj o mediumia dopherde ka oven informirime bašo konkretno numero ande thaj dende Dekretia.
O kanoni amnestiake so sine ando an o 15 januari a validno ulo an o 26 januari.
Dži ko Kriso udžarel pe te resen paše 1.500 aplikacie amnestiake, kotar 500 saste mukhibaske taro phanlipa, a o aver 1.000 procentualno amnestia.
I Amnestia našti rodena persone so si phanle mudaripnaske, okola so phagle o kanonia ko vakti alusaribaske, bašo seksualno atako, pedofilia, konekcia vash prostitucia , aktia mujal i them , terirostikano uniba thaj aktia mujal o manušipa thaj internacionalno jurisdikcia.
