Sa o džuvlja so ka pheren 62 berša, thaj sa o murša so ka pheren 64 berša a nane len kerde šartia te len penzia, ka resen tari them socialnopenzia si jekh taro aktia akale Govermenteske so dengja sar angloalusaribaskoro dendo lafi.
Niami an i penzia ka ovel sa okole dizutnen so ko agorutne 20 berša dživdinena an i Makedonia.
E themakri socialno penzia ko starti ka ovel an o učipa taro 40% prosek i standardno penzia. Aso desave parametria oj ka ovel trujal 100 eura.
O dizutne so si len upreder 65 berša biathinale pheren o šartia e penziake jali na ola lel than an o artiklripa akale sasoitnipaske thaj trubul te ovel olen thaj olende jekh tromalo dživdipa.
