“Kana angjem la an i infektivno klinikia o doktori vakergja: So udžargjen odokhare, i romni si an i kritično situacia” vakergja i Marina Ćerimović i sasuj e mule Sabrina Marković.
– Mi bori jekh kurko sine naadekvatno sasljardi , o doktori dijagnosticiringja lake alergia a oj sine nasvali taro morbilia. Te ovel sine ko momento legardi an o hospitalo šaj sine te ovel krutalirimi , vakerel i sasuj e 21 beršengere mule Sabrinake , so an o palokurko muli an i infektivno klinika an o Niš taro bronhitis sar komplikacia taro morbilia.
I muli romni ko dekemvri bijangja čhaja , so si oj da nasvali tario akava infektivno nasvalipa, thaj si hospitalizirimi an i Čhavorikani klinika. I Sabrina si daj panda jekhe čhaveske.
Taro ofiso medicinsko bukjake kote si thaj i ambulanta kote sasljarel pe sine i Sabrina na mangle te den komentari aso o notacie tari paše familia tari Sabrina.
I Sabrina Marković sine parumi ko dujtodi kote avile baro numero paše familia thaj amala.
