I Vaska Jankovska vokalisti barvale krlea so saste 12 berša giljavela an o koncertia e Goran Bregovičea an o oleskoro “Orkeestari bijavenge thaj meribaske” regirinela sebepi i forma so ko nakhle berša o MRT alusarela džene tari them e popularno muzičko manifestaciake Eurovizia. Vakerel kaj ka ovel fer mujal o talentirano vokalia thja savorenge te alusarel pe dženo an o konkursi , resarinaja sa okola zainteresirime te resen šansa te sikaven pire vokalno kvalitetia.
-Mire vokaleske na trubul korkoro te vakerav. Džanel man i sasti lumia, si man mire fania taro sa o thema kote so giljavgjum e Bregovičea. Ko berša so giljavgjum oleskere orkestarea sine man em po 150 koncertia an o berš . Kana bi dena man šukar kompozicia pakjava kote ako na jekhto, numa dujto thaj ka resav an i Eurovizia.
Šaj akava tumen dikhen le sar barikane , numa me gindinav kote savore talentirano vokalia kote preperav thaj me trubul te del pe lenge šansa te len than an i Eurovizia, te trampinel pe i dži akanutni praktika thaj koncepto ko alusariba vokalisti so ka giljavel an i Eurovizia. Me sikavav sine thaj e Makedonia an i sasti lumia an o koncertia e Bregovičea. Thaj na dikhav soske našti me te sikavav e Makedonia ko majučo nivelo an i Eurovizia. – vakerela i Vaska.
-Nane manuš so na šungja miro giljabe e giljake “Herdelezia”. Den man šansa , te del pe mange šansa, šukar gili, lačho teksto thaj producento , ziher ka kera khanig an i Eurovizia . Si man bari intuicia oj man nikana na hohavela man – vakerel i Jankovska.
I Makedonia zojrakergja kaj ka lel than an o akava 63 ‘to drom Eurovizia, so ka ikerel pe an i Portugalia an o 8-to, 10-to thaj 12-to Maj, numa panda na džanel pe ko ka giljavel . O MRT sar membro an i Europakiri radiodifuzno unia licencaja an i organizacia thaj leiba than an i akaja majbari muzikakiri manifestacia an i Europa – Eurovizia. thaj na vakerela ki savi forma ka ovel alusardo o dženo so ka giljavel an i akaja manifestacia.
Link: http://fokus.mk/vaska-jankovska-bara-shansa-za-nastap-na-evrovizija-imam-intuitsija-ke-pobedime/
