An o Novi Sad avdive anglal o memorialo “Familia” an o kesj e viktimenge an i racia ikergja pe komemeorativno khidipa thaj dendo silipar aso 76 berša tari Novosadsko racia , daravutno bibahtalipa an o 1942 berš so kergje e Ungariakere fašistora upral o manuša civilia Srblie, Roma, Jaudie thaj aver nacie . Pire vorbaja ko vakti tari komemoracia e dizjakoro šerutno Novi Sad o Niloš Vučević vakergja kaj nikana na trubul te iranel pe odoja bibaht so kergje o fašistora.
“Odoleske si amen buteder taro 1.300 faktoria soske majhari odokhar amare Novosadžania sine mudarde telal o mrazo tari len Dunav čhudime an o odova januarsko dive ko 1942 berš . Srblie, Roma, Jaudie thaj aver civilia čhave, phure, džuvlja thaj saste familie sine mudarde soske sine aver nacia thaj religia ” akcentiringja o Vučević.
I racia sine kerdi an o Novi Sad thaj o trujalipa taro 21 dži ko 23 januari 1942 berš . Akaja bibaht sine lačhe isplanirimi divesencar angleder taro majuče askereskere -policiakere uče funkcioneria ki teganutni fašistikani Ungaria so džanel sine thaj o teganutno Govermento.
Aso historiakere faktoria an o odola trin divesa an o Novi Sad ko panja e lenjake Dunav sine mudarde upreder 2.000 Novosadžanija.
