Dajana Mirković si studento an o Pravno fakulteti an i Banja Luka. Ko jekh si aktivisto edukatori an i Asociacia “Romane džuvlja”
Oj sar persona si lačhe pendžardi e situaciaja tari romani NGO sektoro thaj o donatoria, thaj vakerela kote akcepcia e romane naciajaj na sine lačhe kana o donatoria dena love.
Vakerel kote majbaro numero avdive so keren ko romano pučiba korkoro anen decizia a o Roma niko na pučel olen so kamen ola thaj šaj li ki odoja forma te anel pe faisali olengere problemenge.
„Savore sine gogjaver ko aniba decizie ko anav e Romenge te anen aver decizie thaj odoleske akana si i situacia e Romane dekadaja” vakerel i Dajana.
Kote oj si an i nevi generacia terne Roma , i Dajana notirinela kote generalno olenge nane thana soske sar so vakerela o majbaro numero romane lideriqa vakeren kaj trubul te konektirinen pe o terne Roma numa but hari keren odova an i praktika. O terne trubul te del pe lenge šansa te keren buti. Oj generalno respektirinela sa e romane lideren so pire naciake kergje lačhipa.
