Napendžarde maskirime persone phanle thaj pekena sine an o šporeti e Zlatibor Denić (67) taro gav Ugljari – Kosovo Pole , so mangle sine te čoren ole informirinen desave mediumia.
O Denić reslja phare ratvarina thaj thariba taro jekhto thaj dujto nivelo an o ekstremitetia.
O atako sine kerdo ki rakj maškar 29 thaj 30 decembro.
Ov an i piri notacia vakergja kaj nekobor maskirime persone roden sine lestar te vakerel kaj garavel o love . I policia frdel šubikerin kaj odova šaj kergje nesave Roma.
Aso aver notacie šaj palo manuša so kergje atako garaven pe aver persone , a na Roma thaj odova si kerdo te frdel pe doš upral i romani populacia.
Aso policiakere informacie panda keren pe forezničarko thaj aver rodarina, palo so ka oven aver konkretno informacie an i konekcia akale incidenteske.
