I Germania startujnela te implementirinel pe o nevo, zoralo kanoni vas natolerantno retorika. Implementaciaja akale kanoneske prekal socialno netvorko so nane te chiden asavke komentaria thaj postia ili statusia ka trubul te pukjhinen štrafo (globa) taro 50 milionia eura.
O socialno netvorko si le roko 24 saatia te šaj chiden pe o natolerantno negativno retorike , jali ka oven globime, O kanoni si legardo aso socialno netvorko thaj mediumia so si len upreder 2 milionias membria, havljarel o BBC.
NetzDG si havljarde an o maškar e 2017 beršeske numja sine mukhlo than e socialno netvorkoske te keren hazrkeriba. Dži kote o membgria notirinena desave notacie so nane procesirime an o vakti , šaj notirinen pe prekal i forma so šaj te ovel an o web sajto taro Ministeriumo bašo andrune bukja an i germania.
Ko kotor taro majkomplicirime aktia an o socialno netvorko ka ovel olen periodo taro 7 divesa te chiden odola notacie.
O kanoni si anglal sa legarde aso o Facebook, YouTube thajTwitter, trujal so ka ovel validno thaj aso o aver socialno netvorko.
Jekh taro šerutne faktoria akale kanonoske si naseriozno realcia aso majbaro socialno netvorko kana si i natolerantno retorika si an o pučiba. Taro 49 notacie vash natolerantno retorika , 22 nane len antvorto trujal so trubul sine te chiden pe notirinela i ProPublica. „Salde mulo muslimano si lačhe muslimano” si jekh taro “mesažia” so o socialno netvorko notiringja kaj na trubul odova te chidel pe.
„Bibahtale siem so akava kerel pe thaj akava nane refleksia e jekhinake3 so kama te da suporto te šaj istemalkerel pe” vakerel o Justin Osofski taro Facebook.
O majbaro socialno netvorko ka duplirinelo numero taro bukjarne so keren opservacia so si i saikerin thaj reakcia an o notacie. O socialno netvorko kosela – eliminirinela 66.000 postia – statusia dopherela o rajo Osofski.
„O obligacie mukhena saikerina – tekstia so šaj hari si natolerantno jali kontravezno , numa na nakhavela i simantra tari negativno, natolerantno retorika. Akava šaj notirinela kritike taro javno persone , religie, profesie thaj politikani ideologia”.
