An o prevazioa aktia thaj imidž an i Bugaria angleder te lel i funkcia Presidento them an i EU taro 1 januar i Sofia ka paldel taro droma e vordon grastencar.
“O vordona grastencar si riziko an o droma, meljaren o droma thaj odova nane ni ki jekh europakiri metropola, trujal turistikani atrakcia” vash AFP havljargja membro an o dizjakoro konsiliaro Sofia o Simeon Slavčev.
Aso o kanonikane aktia e grastengere vordona nane te oven mukhle numa salde an i periferia e dizjake Sofia , numa aso i nalačhi kontrola tari policia šaj ola notirinen pe em an o centro e dizjake kote o trafiko si but frekfentno.
Majanglal sine ando kanoni so ka ovel validno taro 1 Januari kana i Bugaria ka lel o EU Presidumo te legarel ko piro 6 masekongorto rotiračko funkcia.
Sar so havljarela o EUROACTIV.com, majbut Roma si manuša grastengere vordonencar so egzistirinena an i akaja forma legaribaja, kašta, angara, šuti thaj gunoj taro khera.
Naoficialno informacie sikaven kaj i Sofia si jekh taro majtoksično šerutne dizja an i Europa so gejnela upreder 2 milionia dizutne, a si registririme paše 400 grastengere vordona.
